"Rwy'n cario gyda mi y pethau a ddysgais o'm hastudiaethau yng Nghaerdydd ac yn eu defnyddio bob dydd [...] Mewn unrhyw sector neu rôl sy'n canolbwyntio ar bobl, mae'r gallu i gyfathrebu'n effeithiol, gyda hyder priodol ac eglurder meddwl, yn set sgiliau hynod werthfawr...”
"Bydd y sgiliau a ddysgwch o radd yn y dyniaethau yn cyfrannu at lwyddo fel rhanddeiliad busnes credadwy mewn sefyllfaoedd amwys a heriol.”
"Mae’r sgiliau cydweithio, rheoli amser, a blaenoriaethu, ynghyd â’r gallu i gymhwyso gwybodaeth a dadl mewn amrywiaeth o gyd-destunau, yn sicr wedi bod yn amhrisiadwy.”
“Fe wnes i astudio daearyddiaeth ddynol oherwydd doeddwn i ddim yn siŵr beth oeddwn i eisiau ei wneud fel gyrfa – ond roeddwn i’n ymwybodol o’r cyfleoedd a’r opsiynau y byddai gradd yn eu rhoi i mi o ran fy llwybrau gyrfa.”
“Fe wnes i astudio hanes, gan ddewis fy ngradd ar sail yr hyn roeddwn i’n dda am ei wneud a’r hyn a aeth â’m bryd yn ystod fy Safon Uwch, a chan wybod y byddai hi’n cymryd amser i mi benderfynu beth fyddai fy llwybr gyrfa a’m nodau mewn bywyd.”
“Fe wnaeth fy ngradd mewn cysylltiadau rhyngwladol a gwleidyddiaeth rymuso cymaint arna i; fe wnaeth fy nysgu sut i gyfathrebu ynglŷn â materion a chymryd rhan mewn prosesau a all esgor ar newidiadau mawr.”
“Dwi’n meddwl bod gradd yn y celfyddydau yn helpu i ddatblygu deallusrwydd emosiynol, sy'n sgil y mae galw cynyddol amdano. Wrth astudio ieithoedd, fe wnaeth i mi werthfawrogi pwysigrwydd cyfathrebu.”
“Mae graddedigion y dyniaethau a'r celfyddydau yn gadael y brifysgol gydag addysg fwy llawn y gellir ei chymhwyso i bron unrhyw ddiwydiant.”
– Dadansoddwr Cudd-wybodaeth Droseddol
Olivia Oboh
Tsieinëeg BA
"Rwy’n datblygu ystod eang o sgiliau, sy’n cynnwys sut i ymchwilio, sgiliau darllen, ymarfer a defnyddio cyfieithu, yn ogystal â sgiliau siarad, gwrando ac ysgrifennu. Y sgil pwysicaf dwi'n ei ddysgu yw cyfathrebu. Ers fy nghyfnod yng Nghaerdydd, rydw i wedi darganfod y grefft o gael sgyrsiau ag eraill, cyfarfod â phobl newydd a bod yn barod i gyfrannu i drafodaethau deallusol […] Prifysgol Caerdydd fu’r profiad gorau yn fy natblygiad, o ran llwybr gyrfa, corfforol, meddyliol ac amgylcheddol."
Adrian Hamilton
Y Gyfraith a Ffrangeg LLM
"Un o'r pethau gorau mae dysgu ieithoedd yn ei gynnig i chi yw'r gallu i gysylltu â phobl. Yn y pen draw, mae'n ei gwneud hi'n haws gwneud ffrindiau ac yn helpu'r rhai o ddiwylliannau eraill i deimlo'n fwy cyfforddus gyda chi. Ar ben hynny, mae’r proses dysgu iaith o fudd i’r ymennydd, gan feithrin hyder a gwella medrau datrys problemau."
Monique Dyer
Gwleidyddiaeth a Chysylltiadau Rhyngwladol gyda Sbaeneg BA
"Mae gallu gweithio'n annibynnol yn sgil mor bwysig y mae cyflogwyr y dyfodol yn chwilio amdano oherwydd mae’n rhaid i chi allu cwblhau gwaith ar eich pen eich hun, datrys eich problemau eich hun a gallu trefnu eich tasgau a'ch amser; sy’n hanfodol ar gyfer bron unrhyw swydd."
Morgan Perry
Cysylltiadau hyngwladol a Gwleidyddiaeth BScEcon
"Mae fy meddwl beirniadol a dadansoddol wedi datblygu yn ystod fy astudiaethau, sy'n hanfodol i unrhyw yrfa. Mae'r radd wedi fy helpu i gwestiynu a dehongli newyddion, ystadegau a straeon mewn ffordd nad oeddwn wedi ei wneud o'r blaen. Mae fy nghyfathrebu ysgrifenedig a llafar wedi gwella’n aruthrol, o ganlyniad i'r mathau amrywiol o asesu. Ac, yn naturiol, mae'r rhan fwyaf o fodiwlau'n ymgorffori gwaith tîm mewn un ffordd neu’r llall, ac mae hyn wedi bod yn hanfodol wrth ddod i adnabod pobl y tu mewn a'r tu allan i'r brifysgol."
Nel Richards
Cymraeg a Newyddiaduraeth BA
"Roedd y cyfuniad o astudio dau bwnc roedd gen i ddiddordeb ynddo mewn dinas fyrlymus, llawn cyfleodd yn apelgar iawn. Mae’r ddau bwnc yn canmol ei gilydd yn berffaith, â'r ystod eang o fodiwlau, darlithwyr a phrofiadau yn cael eu cynnig drwy hynny. Gyda chanolfannau amlwg a diwylliannol wedi’u lleoli ar draws dinas gosmopolitan, mae digon o gyfleoedd i fwynhau, dysgu a chael profiadau wrth baratoi am y byd gwaith neu’n gymdeithasol."
Henry Liggins
Cerddoriaeth BA
“Fe wnes i ddewis Cerddoriaeth oherwydd roeddwn i eisiau dilyn fy nghalon a gwneud rhywbeth rydw i’n danbaid drosto, yn hytrach na rhywbeth a allai fy ngwneud i’n fwy ‘cyflogadwy’ – ac rydw i wrth fy modd gyda’r cwrs.”
Tamika Hull
Cynllunio a Datblygu Trefol BSc
“Rydw i wrth fy modd yn dysgu, ac ar hyn o bryd dydw i ddim yn teimlo fy mod i wedi dysgu popeth rydw i eisiau ei wybod er mwyn cael cynllun cadarn ar gyfer gyrfa yn y dyfodol. Po fwyaf y bydda i’n ei ddysgu, y mwyaf o bethau sy’n fy nenu ac yn ennyn fy niddordeb. Ond dyna beth sy’n wych am fy ngradd i, mae’r cyfleoedd yn ddiddiwedd.”
Elin Roberts
Ffrangeg and Sbaeneg BA
“Wrth ddod i ddiwedd fy mlwyddyn gyntaf Safon Uwch, penderfynais feddwl am ystyriaethau ymarferol. Doeddwn i ddim eisiau bod yn gaeth i un llwybr gyrfa neu farchnad swyddi benodol; roeddwn i eisiau opsiynau, ac roeddwn i eisiau gwneud gradd a fyddai’n agor y drws i amrywiaeth eang o bosibiliadau. Gwyddwn hefyd fy mod am deithio, ac efallai am fyw dramor rywbryd. Dyna pryd y sylweddolais y dylwn ddechrau edrych ar raddau iaith.”
Ellie Ball
Newyddiaduraeth a Chyfathrebu BA
"“Heb sôn am y cyfoeth o wybodaeth rydw i wedi’i dysgu yn fy mhwnc astudio (Newyddiaduraeth a Chyfathrebu), mae’r brifysgol wedi dysgu mwy i mi nag y gallwn i erioed fod wedi’i ddychmygu; amdana i fy hun, pobl eraill a’r byd. Mae’r ffaith bod fy mhrofiad yng Nghaerdydd wedi bod mor wych wedi rhoi gobaith i mi wrth i mi ddechrau ar gam nesaf fy mywyd.”
